Konur eru konum verstar (gestapenni)

Núna við endurlífgun þessarar bloggsíðu mun ég í auknumæli leita til gestapenna.  Skrif þeirra eru þeirra eigin en birt hér á mína ábyrgð.  Skoðanir þeirra endurspegla þó ekki endilega skoðanir mínar.  Sá gestapenni sem nú ríður á vaðið óskaði nafnleyndar og ég mun af sjálfsögðu verða við því.  Gaman væri þó að vita hver fólk telji að hér skrifi.

Nú er ljóst að leiðindamál hefur komið upp í vali á leikmanni ársins í Landsbankadeild kvenna þar sem gengið var framhjá besta leikmanni Íslandsmótsins, Margréti Láru Viðarsdóttur og var Hólmfríður Magnúsdóttir valin best. 

Það eru leikmenn liðanna í Landsbankadeildinni sem velja besta leikmanninn og fá sendan atkvæðaseðil frá KSÍ. Samkvæmt heimildum Fótbolta.net gengu skilaboð milli leikmanna liðanna í Landsbankadeildinni þess efnis að velja ekki Margréti Láru Viðarsdóttur besta leikmanninn í Landsbankadeild kvenna.  Margrét Lára Viðarsdóttir bar höfuð og herðar yfir aðra leikmenn í Landsbankadeild kvenna í sumar og undir eðlilegum kringumstæðum hefði hún verið valin besti leikmaðurinn. Hún skoraði 38 mörk í 16 leikjum og setti þar með markamet í efstu deild kvenna frá upphafi, bætti met sitt frá síðasta ári. 

Nú má ekki draga úr góðri frammistöðu Hólmfríðar Magnúsdóttur sem skoraði 15 mörk í 13 leikjum og spilaði meðal annars með okkur eyjamönnum fyrir nokkrum árum en þó er alveg ljóst að frammistaða Margrétar Láru var betri í sumar og er það samdóma álit flestra sem fylgjast með íslenskri knattspyrnu. Hólmfríður var ekki valin besti leikmaður KR á lokahófi félagsins í haust heldur Olga Færseth.  Það ber þó að ítreka að Hólmfríður er knattspyrnukona í háum gæðaflokki og frábær knattspyrnukona en hún er ekki betri en Margrét og lék ekki betur en hún í sumar

Ég fullyrði að svona lagað gæti aðeins gerst hjá konum.  Karlmenn mundu kannski lemja þann sem var valinn bestur á lokahófinu en aðeins konur geta gert öðrum konum svona með afbrýðissemi og öfund.  Við eyjamenn eru vanir því að aðrir öfundi okkur út af hinum ýmsu málum og kippum okkur því ekki upp við það því við vitum vel að við erum mestir og bestir og þurfum því ekki viðurkenningu annarra fyrir því. 

Vil ég óska Margréti Láru til hamingju með árangur sinn í sumar því hún var sér og öllum öðrum vestmannaeyjingum til mikillar fyrirmyndar.

XXX

Athugasemdir

[Tóti (IP-tala skráð) 23.10.2007 kl. 00:35]

Þetta er pottþétt Siggi Braga.  En ég er ekkert smá sammála þessu.

[Heiða B. Heiðars, 23.10.2007 kl. 00:48]

Þú skrifar "Ég fullyrði að svona lagað gæti aðeins gerst hjá konum"Mér þykir leiðinlegt að eyðileggja þetta fyrir þér.... en ég held að stelpurnar hafi lært þetta af strákunum fyrir ca 20 árumÞá rottuðu fótboltastrákarnir sig saman um að kjósa ekki Pétur Ormslev sem allir áttu von á að hlyti nafnbótina og kusu annan... Sævar minnir mig að hann hafi heitið

[Helgi Þór Gunnarsson, 23.10.2007 kl. 01:14]

Elliði þetta er þú sjálfur sem skrifar, ekki satt? Kær kveðja.

[Jónína Sólborg Þórisdóttir, 23.10.2007 kl. 08:05]

Er þetta nýjasta útgáfan af blogg-leiknum "hver er maðurinn"?

[Vinir Ketils bónda, áhugamannafélag, 23.10.2007 kl. 10:58]

Pottþétt Hildar.

Enginn annar sem kemur til greina. Það er öruggt mál að þessi færsla var skrifuð af Hildari.

[b.p, 23.10.2007 kl. 16:05]

Konur eru konum verstar alveg eins og karlmenn eru karlmönnum verstir..

Virkilega leiðinlegt mál, enda auðséð á hverjum leik hver er besta fótboltakona landsins, skítt með markaskorið, en færnin er auðséð.

Segi eins og gestapenni, INNILEGA til hamingju Margrét með árangurinn..

[Mummi Guð, 23.10.2007 kl. 16:36]

Ég fordæmi þá sem alhæfa að svik hafi verið í tafli í þessari kosningu. Ég hef ekki heyrt neitt sem bendir til þess að samsæri hafi verið í gangi við þessa kosningu, annað en sögusagnir frá Valsmönnum.

Þið sem hafið verið að gera lítið úr valinu á Hólmfríði, hversu mörg ykkar hafið séð leiki með henni í sumar? Ég held að það séu ansi fáir. Hún var lykilleikmaður í KR liðinu og á þennan titil fullkomlega skilið.

Áður en þið haldið áfram að tala um samsæri, rifjið upp hvernig hundurinn Lúkas dó í sumar.

[Halldór (IP-tala skráð) 24.10.2007 kl. 09:22]

Það þarf eitthvað meira en sérstakt mummi til þess að slá markametið, það þarf afburðar einstakling eins og Margréti Láru. Hversu marga leiki sástu með val mummi guð? Margrét lára var besti leikmaður besta liðsins á mótinu í ár, sló markametið og fór illla með nánast öll liðin í deildinni og kr-ingar ættu nú að vita manna best hvernig hún fór með þá, Hólmfríður var góð í ár en hún spilaði ekki einu sinni allt mótið og til að setja ennþá beetur árangur Márgrétar Láru að þá skoraði helsta markamaskína KR 19 mörk í 16 leikjum, Margrét Lára er með 38!!!!!!!! ásamt því að leggja upp c.a 14 mörk!!! Það er fáheyrður árangur knattspyrnumanns/konu.

Og mummi guð, er það einhver lokahnykkur í málinu að þú hafir ekki heyrt neitt!!!

Hólmfríður hefur heyrt þetta, Margrét hefur heyrt þetta, íþróttafréttamenn hafa heyrt þetta, hringt hefur verið í Betu ofl, það er skammarlegt að að BESTI LEIKMAÐUR ÍSLANDSMÓTSINS í ár hafi orðið af titlinum vegna öfundar.

[Sigþóra Guðmundsdóttir, 24.10.2007 kl. 15:02]

Minni líka skrifara (hver svo sem hann er (hann þar sem karlmaður er greinilega skrifari)) á valið á leikmanni efstu deildar árið 1997 (minnir það) þegar ÍBV vann nánast allt og Hlynur Stefáns var yfirburðarmaður í mótinu. Á slúttinu kom svo í ljós að leikmaðurinn Vinnei Jones (ekki pottþétt á stafsetningu) hafði verið valinn bestur... en Hlynur hafði akkurat verið valinn árið áður!