Eyjar eftirsóttar

Það er ánægjulegt að sjá að áhugi fyrir Goslokahátíið eykst með hverju árinu.  Nú er svo komið að þetta er orðin ein af stóru ferðahelgum hvers árs.  Reyndar er dylst engum að möguleikar í ferðaþónustu eru hvergi meiri en einmitt hér og þá sérstaklega þar sem allt stefnir í að samgöngur verði stórbættar á næstu árum.

Eins og fram kemur í fréttinni er dagskráin glæsileg.  Hápunkturinn er náttúrulega tónlistadagskrá Jarls Sigurgeirssonar sem hefur nú tekið upp listamannsnafnið "EyjaJarl".  Jarl hefur heitið aðdáendum sínum að spila fram undir morgun og því ljóst að gleðin verður við völd.

Við þetta má svo bæta að ég hafði samband við VST verkfræðistofuna sem er að vinna úttekt á forsendum jarðgangagerðar milli lands og Eyja.  Þeir töluðu í véfréttastíl eins og við var að búast þannig að ég er engu nær um niðurstöður.  Hinsvegar sögðu þeir mér að niðurstöður þeirra koma til með að liggja fyrir um miðjan júlí.  Þetta eru spennandi tímar.

Mikill ferðamannastraumur til Eyja

Athugasemdir

[Jóhann Páll Símonarson, 6.7.2007 kl. 16:29]

Heill og sæll Elliði.

Mér finnst gaman að heyra af þessari gosloka hátíð ykkar mér er efst í huga mínum. Þegar þetta hófst  við skipsverjar á m/s Dettifossi með okkar duglega skipstjóra Erlend Jónsson sem er nú látin þessi elskulegi maður var alltaf tilbúinn að veita íbúum veitingar og allt sem hann gat veit þeim skjól birtu og yl.

Við vorum að hjálpa eyjarskeggjum frá eyjum uppá land. ferðinni var heitið inn í Sundahöfn með fullt skip af fólki og húsmunum sem fólkið gat tekið mér sér. Þetta tók í, þegar maður sá að fólkið hafði tapað eigum sínum undir hraun. Mér er minnisstæðast þegar eigandi skipasmíðarstöðvar kom með litla bílinn sinn. og við hífðum hann um borð.

Þetta er eina sem ég á eftir að öllu saman. Sagði þessi elskulegi maður með tárin í augunum eftir þessar hamfarir.

Varandi þessa jarðganga gerð þá væri gott að hún myndi ganga upp og hvort hægt væri að gera þessi göng vegna strauma og dýpis. Enn allt er hægt þá er þessi spurning hvað kostar þetta . Heildarkostnaður, arðsæmismat, verður að liggja inn í þessum kostnaði. Fyrir utan þarf að bera saman að reka göng eða að reka skip á milli eyja fyrir utan öryggisástæður sem fólkið myndi búa við með jarðgangagerð.

Hitt er svo annað mál sem er mjög alvarlegt að mínu áliti. Það eru samgöngur á milli lands og eyja. Það gengur ekki upp að standa í stælum við verktaka sem reka þetta skip ykkar þá er átt við Eimskip. Ég legg það til að þetta verði boðið út á erlendum mælikvarða. Og þið fái stærra skip strax til að geta sinnt þessu með stæl.  Það er nóg framboð að notuðum góðum skipum til sölu.

Bæjarstjórn í Vestmanneyjum á að láta til sín taka í þessum málum. Þetta ástand er ólíðandi og ekki neinum sæmandi að hafa þjónustu með þessum hætti.

Allir suðurhafsmenn til hamingju með gosloka daginn ykkar þið standið fyrir ykkar málstað. Þetta er frábært framtak hjá ykkur.

Jóhann Páll Símonarson.

[Elliði Vignisson, 6.7.2007 kl. 16:50]

Þakkir fyrir þessa athyglisverðu lesningu Jóhann Páll.  Í gosinu urðum við Eyjamenn varir við mikin velvilja frá fólki eins og þér.  Fyrir það erum við enn þakklát.