Mikil batamerki á rekstri

Það er oft gaman að leika sér með fyrirsagnir.  Yfirskrift þessarar fréttar hefði einnig getað verið "Mikil batamerki á rekstri Vestmannaeyjabæjar", "Dregur úr tapi Vestmannaeyjabæjar" og "Vestmannaeyjabær á réttri leið".

Fróðlegt væri að vita hver valdi þessa leiðinda fyrirsögn.  Ég hvet fólk til að lesa alla fréttina en þar segir m.a.:

"Rekstrarafkoman batnar verulega á árinu 2006 miðað við árið áður. Þannig batnar rekstrarniðurstaða fyrir fjármagnsliði um 226 m. kr. og rekstrarniðurstaða
batnar um 119 m. kr."

 

Tap á rekstri Vestmannaeyjabæjar

Athugasemdir

[Helgi Þór Gunnarsson, 25.4.2007 kl. 22:58]

Getur verið að blaðamaðurinn sé vinstigræn eða öfundsjúkur út í  Eyjamenn? Nei ég seigji bara svona Elliði, manni dettur svo margt í hug. Mér sýndist Fagridalur vera kominn í sumarskap um síðustu helgi, við fórum í vinnuferð, svaka fjör, kveðja í bili. 

[Jón Óskar Þórhallsson (IP-tala skráð) 27.4.2007 kl. 08:52]

Heill og sæll.  Ég held að það sé nú óþarfi að vera of hörundsár yfir þessu.  Ég trúi því að það séu batamerki í reikningum Vestmannaeyjabæjar og er það vel og ykkur í bæjarstjórn til mikils sóma, svo ef þið eruð sannfærð, þá er þetta besta mál.  Þetta er bara eins og með DeCode Elliði, það eru alltaf batamerki og félagið er að gera hverja snillina á fætur annarri en fyrirsagnirnar gjarnan um rekstrarniðurstöðu félagsins. 

Já að lokum.  Spurning að ég ráði mig til Moggans, þú byggir knattspyrnuhús, og ég skal skrifa fyrirsögnina "Afkoma Vestmannaeyjabæjar í góðum gír" og þú lofar að sleppa því að benda fólki á að lesa greinina frekar

[Gísli Foster Hjartarson, 27.4.2007 kl. 09:50]

hvaða máli skiptir fyrirsögnin! það er afkoman sem telur og hún var ekki réttu megin við núllið, þó svo að þarna séu batamerki og það er skref í rétta átt.  - Við getum ekki ætlast til að fá fyrirsagnir á silfurfati frá þessu liði, það væri ekki eðlilegt.  Menn eiga bara að halda áfram sinni vinnu og hundsa svona – við förum aldrei í gegnum okkar baráttu án þess að mæta smá mótbyr og menn eiga nú kannski ekki að vera að blogga um svona andvara sem bæjarstjórar.

[Elliði Vignisson, 27.4.2007 kl. 16:55]

Sæll Gísli

Vefsíða þessi er á minni persónulegu ábyrgð og fólk getur verið viss um að hér tjái ég mig um það sem mér er efst í huga.  Þegar mér dettur í hug að blogga um andvara þá geri ég það.  Annars er þetta mál svo sem ekki þannig að ég missi neinn svefn yfir því.